Սերբիայի սահմանադրական դատարանն արգելել է նեոնացիստական «Ազգային ճակատ» կազմակերպության քաղաքական գովազդն ու գործունեությունը: Իշխանություններին պարտադրվել է կատարել որոշման պահանջը:

«Նացիստական գաղափարախոսությունն անընդունել է ժողովրդավարական հասարակությունում եւ բացարձակապես  հակասում է մեր պատմա-մշակութային ժառանգությանը», - հայտարարել է Սերբիայի արդարադատության նախարար Սնեժանա Մալովիչը` մեկնաբանելով դատարանի որոշումը:

«Ազգային ճակատի» առաջնորդ Գորան Դավիդովիչը, որին համախոհները «ֆյուրեր» են համարում, 2010թ. փախել է երկրից` խուսափելով քրեական պատասխանատվությունից: 34-ամյա նացիստը մեկ տարվա  ազատազրկման էր դատապարտվել` ռասայական, ազգային եւ կրոնական թշնամանք սերմանելու համար:

Առաջիկա երեք օրերին Երեւանում եւ հանրապետության մարզերում սպասվում է կարճատեւ անձրեւ եւ ամպրոպ։NEWS.am-ի թղթակցին այս մասին հայտնեցին «Հայպետհիդրոմետ» հիդրոօդերեւութաբանության կենտրոնից:

Տեղումների հավանականությունը մեծ է հատկապես օրվա երկրորդ կեսին եւ գիշերը։ Չի բացառվում, որ որոշ մարզերում կարկուտ տեղա։

Հունիսի 3-ին Երեւանում օդի ջերմաստիճանը կնվազի 2-ից 4 աստիճանով եւ կլինի +26 +28 աստիճան, հյուսիս արեւմտյան շրջաններում՝ կիջնի մինչեւ 4-6 աստիճանով եւ կլինի +13 +15 աստիճան։

Հայաստանի գլխավոր դատախազությունը արձագանքել է NEWS.am-ի հրապարակումներից մեկին, որում անդրադարձել ենք Սյունիքի մարզի ընդհանուր իրավասության դատարանի կողմից 11.5 տարվա ազատազրկման դատապարտված Սահակ Սահակյանի գործին: Վերջինս մեղավոր է ճանաչել ՀՀ ՔՕ 258 հոդվածի 3-րդ եւ 4-րդ կետով եւ 104 հոդվածի 1-ին մասով նախատեսված հանցագործությունների կատարման մեջ:

Ըստ Սահակյանի հարազատների` գործի նախաքննությունն ու դատաքննությունն ընթացել են խախտումներով, եւ որ սպանությունը, որի մեջ մեղադրվում է իրենց հարազատը, իրականում կատարել են այլ անձինք: Նրանց պնդմամբ` Սյունիքի միլպետն ու դատախազը գործարք են առաջարկել գործով մեղադրյալին` հորդորելով իր վրա վերցնել սպանությունը, ինչի դեպքում նրա նկատմամբ դատա ... Կարդալ շարունակությունը »
Աղբյուրը: http://news.am

ԱԺ ՀՀԿ-ական պատգամավոր Տիգրան Արզաքանցյանը հերքում է hetq.am կայքի հրապարակումն այն մասին, ըստ որի պատգամավորը «Hermitage»  անունով վիլլա ունի Փարիզի Maurice Chevalier փողոցում: Կայքն, ի դեպ, տպագրել է նաեւ վիլլայի եւ դրա դիմաց կայանած «Մերսեդես» մակնիշի 21 SO 840 հայկական համարանիշի մեքենայի  լուսանկարները:

Ֆրանսիայի անշարժ գույքի գործակալություններն այդ տարածքի առանձնատները, ըստ կայքի, գնահատում են 1,5-2 մլն եվրո` կախված տան վիճակից: NEWS.am-ի թղթակցի հետ զրույցում պատգամավորը նշեց, որ նշված գույքն իրեն չի պատկանում, ապա առաջարկեց մեզ հուզող հարցերն ուղղարկել գրավոր, ու խոստացավ, որ սիրով կպատասխանի: Սակայն նրա հետ տեղի ունեցած բլից հարցազրույցը եւս ուշագրավ ստացվեց: ... Կարդալ շարունակությունը »
Աղբյուրը: http://news.am

Կարմիր Խաչի միջազգային կոմիտեն (ԿԽՄԿ) Հայաստանի կառավարությանը ղարաբաղյան հակամարտության հետեւանքով անհետ կորածների վերաբերյալ տվյալներ կուղարկի։ NEWS.am-ի թղթակցի հետ զրույցում այս մասին հայտարարեց ԿԽՄԿ-ի Հայաստանի պատվիրակության հաղորդակցման ծրագրերի պատասխանատու Աշոտ Աստաբացյանը:

«Գործընթացն արդեն իսկ մեկնարկել է։ Անհետ կորածների մասին տեղեկությունները էլեկտրոնային տեսքով կներկայացվեն Հայաստանի կառավարությանն առընթեր Գերիների, պատանդների եւ անհետ կորածների հանձնաժողով։ Տվյալների բազան ստեղծվել է անցած մեկ տարվա ընթացքում»,- նշեց նա։

Աստաբացյանը նաեւ տեղեկացրեց, որ տվյալների հիման վրա հայկական կողմը առաջիկա տարիների ընթացքում արտաշիրիմում կիրա ... Կարդալ շարունակությունը »
Աղբյուրը: http://news.am