08:17 Թուրքիայում Հայոց ցեղասպանության հուշարձանի կրկնօրինակումը սկանդալի առիթ է դարձել (վիդեո) | |
Թուրքիայի Էրզրում քաղաքում հունվարի 27-ից փետրվարի 6-ը անցկացված 25-րդ Ձմեռային ունիվերսիադայի խաղերի բացման եւ փակման ժամանակ օգտագործվել է մի դեկորացիա, որը նույնությամբ կրկնել է Երեւանում գտնվող Հայոց ցեղասպանության հուշարձանը: Թուրքական Nethaber-ի փոխանցմամբ` Ձմեռային ունիվերսիադայի ընթացքում Հայոց ցեղասպանության հուշարձանի կրկնօրինակած դեկորացիան սկանդալի առիթ է դարձել նախ Էրզրումում, այնուհետ` ամբողջ Թուրքիայում: Թուրքիայի «Ազգային շարժում» կուսակցության Էրզումի նահանգային կառույցի ղեկավար Զեքաի Քայան հայտարարել է, թե Ձմեռային խաղերի ընթացքում մարզադաշտում օգտագործված դեկորացիայի նմանությունը Հայոց ցեղասպանության հուշարձանի հետ, իրենց կուսակցության օրակարգ է մտել, եւ խնդրի հետ կապված աշխատանքներ են ընթանում: «Այդ դեկորացիան Էրզրումին ուղղված ինչ որ խաղի մի մա՞ս է, թե՞ արվեստի մի նախագիծ: Եթե արվեստի նախագիծ է, դա ի՞նչ է խորհրդանշել: Մենք այդ հարցով ուսումնասիրություններ ենք սկսել»,-ասել է թուրք ազգայնականը: ՙ | |
|
Մեկնաբանություններն ընդամենը՝: 0 | |