18:15 Ահմադինեժադը` Սերժ Սարգսյանին. Նախագահության 2-րդ շրջանում Հայաստանի զարգացման ընթացքը կշարունակվի առավել մեծ արագությամբ | |
Սերժ Սարգսյանին Հայաստանի նախագահ ընտրվելու առթիվ շնորհավորական ուղերձ է հղել Իրանի նախագահ Մահմուդ Ահմադինեժադը: Ուղերձում, մասնավորապես, նշվում է. «Հայաստանի Հանրապետության նախագահի պաշտոնում վերընտրվելու կապակցությամբ ջերմորեն շնորհավորում եմ Ձերդ Գերազանցությանը եւ Հայաստանի Հանրապետության կառավարությանն ու ժողովրդին: Հուսով եմ, որ Ձերդ Գերազանցության նախագահության երկրորդ շրջանում Հայաստանի զարգացման ընթացքը կշարունակվի առավել մեծ արագությամբ: Շեշտելով Իրանի Իսլամական Հանրապետության եւ Հայաստանի Հանրապետության միջեւ բարեկամական եւ ամուր հարաբերությունները ընդլայնելու ուղղությամբ պատրաստակամությունը` Աստծուց հայցում եմ Ձերդ Գերազանցությանը քաջառողջություն եւ հաջողություններ, իսկ բարեկամ Հայաստանի կառավարությանն ու ժողովրդին` բարօրություն եւ փառք»: | |
|
Մեկնաբանություններն ընդամենը՝: 0 | |